बेलायतका रोरी म्याकलरोयले प्लेयर गल्फ च्याम्पियनसिपको उपाधि जितेका छन् । प्रोफेसनल गल्फर म्याकलरोयले फाइनल चरणको खेलमा अमेरिकी जिम फेरिकलाई पछि पार्दै उपाधि आफ्नो कब्जामा पारेका हुन् ।
उनले २ अण्डर पार ७० स्कोर बनाउँदै उपाधि जितेका हुन् । यो सिजनको पहिला उपाधि जितेका म्याकलरोय अर्को महिनादेखि सुरु हुने ग्राण्डस्लाम मास्टर्स गल्फ खेल्ने तयारीमा रहेका छन् ।
उपाधि जितेपछि खुसी हुँदै उनले भने, ‘मलाई लाग्छ यो प्रतियोगितामा मैले मेरो खेल जीवनकै उत्कृष्ट प्रदर्शन गरेको छु । यही प्रदर्शनलाई आगामी प्रतियोगिताहरूमा निरन्तरता दिनेछु ।’
२९ वर्षे म्याकलरोयले सन् २०११ मा युएस ओपन, २०१२ र २०१४ मा युएस पिएसजी गल्फ तथा २०१४ मा नै मास्टर्स गल्फ च्याम्पियनसिपको उपाधि जितेका थिए ।
प्रकाशित मिति: मंगलबार, चैत ५, २०७५
