काठमाडौं : अहिले नेपाली फिल्म क्षेत्र सबैभन्दा रुचाइएका कालाकारहरु अनमोल केसी, प्रदीप खड्का र पल शाहको दबदबा छ । उनीहरुलाई एक साथ एउटै फिल्ममा हेर्ने दर्शकको ठूलो इच्छा छ । प्रदीपले हालै आफूसँग दुई अभिनेता चाहिने एक कन्सेप्ट रहेको र चाँडै अनमोलसँग कुरा गर्ने बताएका थिए ।
यसअघि अनमोलले पनि प्रदीपसँग काम गर्न आफू तयार रहेको बताइसकेका छन् । यसबीच अभिनेता पलले पनि अनमोल र प्रदीपसँग काम गर्न आफूलाई पनि इच्छा रहेको बताएका छन् । शाहले आफू अभिनीत फिल्म वीरविक्रम २ को टिमसँग आफ्नो जन्मदिन मनाउँदै उनले अनमोल र प्रदीपसँग आफू साथमा काम गर्न सधैं तयार रहेको बताएका छन् ।
नेपाली फिल्म इन्डस्ट्रीलाई गर्व गर्न लायकको स्थानमा पुर्याउन अहिले दर्शकले रुचाएका कलाकारहरुबीच सहकार्य आवश्यक रहेको पलले औंल्याए । अनमोल, प्रदीप र आफू एउटै फिल्ममा हुने सम्भावना असम्भव भने नभएको उनको भनाइ छ । उनले भने, म अनमोल र प्रदीपसँग आँखा चिम्लिएर काम गर्न तयार छु । मलाई विश्वास छ हामीबीच चाँडै टिमअप हुनेछ ।
पल शाहले भनेयसअघि हास्य कलाकार दिपकराज गिरीले तिमीहरु सहकार्य गर, हाम्रो फिल्मले भन्दा राम्रो व्यापार गर्न सक्छ भन्नुभएकोले मलाई लाग्छ म, प्रदीप र अनमोलले साथमा फिल्म गर्नुपर्छ ।
प्रकाशित मिति: शनिबार, फागुन ११, २०७५ ०८:१०
