काठमाडौं : प्रथम साहित्यकार सगरमाथा आरोहीका रूपमा लक्ष्मण सापकोटा आगामी शनिबार प्रस्थान गर्दै छन् ।
शनिबार बिहान काठमाडौंबाट हेलिकोप्टरमार्फत् लुक्ला हुँदै सगरमाथा आरोहणका लागि प्रस्थान गर्ने उनले बताए । सापकोटालाई आज नेपाल प्रज्ञाप्रतिष्ठानबाट सफलताको शुभकामनाका साथ बिदाई गरिएको छ । नेपाल प्रज्ञाप्रतिष्ठानको लोगो, कचनकबलको माटो, मेची र महाकालीको पानी, शताब्दीपुरुषद्वय माधव घिमिरे र सत्यमोहन जोशीको हस्ताक्षरसहित भानुभक्तको रामायण र फोटो, देवकोटाको मुनामदनलगायतका गौरवशाली पहिचानका साथ सगरमाथाको आरोहण गर्न लागेका सापकोटालाई प्रतिष्ठानका कुलपति गंगाप्रसाद उप्रेतीलगायतले शुभकामनासहित बिदाई गरेका हुन् ।